قَصِيْدَة هَمْسَة غِلا
همسة غلا جتني على غير ميعاد
يازين همسات الغلا بين اهلها
همسة غلا جتني تباشير واعياد
بحضورها عيني فرح تبتهلها
اخيل برق الوصل يتبعه رعاد
يمطر على روحي ويروي سهلها
عادت سعادة ناظري والفرح عاد
غنابها شعري وقلبي احتفلها
همسة غلا والشوق في جيتك زاد
شوق ملا قلبي وروحي شملها
همسة غلا شوقك كما الجمر وقاد
احرق ضلوع بالمحاني اشتعلها
همسة غلا والقلب في قربك اعتاد
وغيبتك ياعمري ابد ماحتملها
لك المشاعر ياغلا صدق تنقاد
ركاب قلبي يم قلبك حملها
همسة غلا يامشرب الروح والزاد
ياشمعة الدنيا وشمسي واملها
لك منزل مكانته روس الاشهاد
ولاغيرك احدٍ ياغناتي وصلها
منقول
الإثنين سبتمبر 11, 2023 8:10 am من طرف الاسماعيلي اليامي
