عطس أحمد .!!. أحمد عطس ..؟!!.

... هلق صحيح عطس أحمد ..؟
- شو هالحكي .. أحمد عطس ..؟
... مش معقول .. أنا ما بصدق
- ولا أنا كمان
... طيب شو عرفك ..؟
- الحقيقة كل البلد عمتحكي وما عندهم غير قصة ..أحمد عطس
... العمى ما يكون عملها بجد
- يصطفل ذنبو على جنبو .. المهم نحنا مادخلنا
... دخيلك .. ليش ..هلق الواحد بيعطس على كيفو .. مش من شدة الرشح وضغط الرشح بيعطس ..أي شوالواحد بيقدر يعمل مع فيروس طاير بالهوا وعم بيلطش بخلق الله
- ولكاسكت ..يخرب بيت اللي خلفوك ..شو ناوي تبهدلنا .. أي والله..والله .. بقطع انفيومابعطس ولا بخللي واحد يسألني ليش عطست واللا.. يزورني بطرف عينو .. العمى شو نحنامجانين ..؟!!
... طيب كيف الواحدبدو يحمي حالو من الفيروس وما يعطس ..؟
- بسيطة... يبعد عنالتجمعات بالأماكن المغلقة
... متلشو ..؟.
- متل المحاكم مثلا ً يروح يلقط الفيروس من شي قاضيواللا من شي محامي مدعوم ماشي بالطول والعرض .. واللا زبون فابف ستار بيستقبلوه بشدالايدين وهات ياطق بوس من غرفة لغرفة .. ونفس الـ شي بدوائر الدولة .. والكافتيرياتالخمس نجوم ..اللي كلو حاطط بوزو بادان التاني وهات ياوشوشة وتطبيق وتضبيط . ومابتقدر تفرق بين الزبون وبين الموظف والمسؤول ورئيس جمعية سكنية واللا عضو مجلسبلدي
... ولك والله صحيح من طيبوالفيروس سارح على كيفو ..وبيقولولك ..ولااااه ليش عم تعطس . مع انهم بيعطسوا علىكيفهم ولاحدا بيسأل
- ولك يابهيمه .. انت عندك لكزس واللا هامر .. شي ..؟
... لأ
- طيب عندك مكتب هايكلاس ..؟
... لأ
- طيب بتقعدبكافتيريات ومطاعم خمس نجوم .. وبتعزم المسؤولين وبتقعد بيناتهم متل الطاووس ؟
... لأ .
- طيب في عندك علبةمحارم معطرة ..؟
... لأ .
- ولا سيرلانكية ..؟
... لأ
- وماعندك شي قرايب مسؤول وإنت عم تسمسرلو وتعمل واسطات وتقبض .؟
... كمان لأ ...ولو كان في ياذكي ..كنت هلققاعد معك وعم تسألني ..؟!!
- أي تضرب بشكلك ..ولسه بدك تتحدى وتعطس ..؟ العمىضربك ..قوم من وشي .
... روق..روق .. ليش طلع خلقك .. طيب كيف أحمد عطسمع انو أخ.... منا .؟!!
- ماتكون مفكر انوخلصت الحكاية معو .. ؟
... يعني .. شوقصدك ..؟!!
- طيب مانك شايف مين عم يحكي عليه ويشرشح فيه وعاملسيرتو على كل لسان .. ماظل حرامي ولاتاجر غشاش ولا شر...؟ ولا مركب قرون إلا ونازلفيه نتف ..ومش ناقص الا يجي واحد حامل مفكرة بإيدو ومبين الفرفور تحت قميصه وعميسأل عنو .. ويمكن بكره يطلع مرتبط بشي بغل جرش مونة البلد وهربان وقاعد برااا وعميبعتلو علف جاهز ومركز .
... طيب إذاهيك أشكال عم تحكي عليه ..ليش حتى يهتم ..؟!!
- ولااااك ياغزال .. المصيبة إنو هيدول اللي كلمتهم مسموعة .. فهمت واللا لسه مافهمت ..؟
... دخيل الله فهمت .. أتسووووووو .
- أه يامدعوم آآآآه .. وعم تعطس كمان ..؟؟؟!!

خليل صارم

مو من طيبوا النّاس كلها عم تعطس

لنشوف شي حدا يعدينا بالكريب

باين عنّوا نعمة وما إلنا خبر

بلكت منشتري شقفة أرض بالجنّة ؟؟!!!..........

» مطريـــــــــــــــــــــــــات (( 6 )) الكبيــــــــــــــــــــر أحمد مطر
» مطريات ( 4 ) أحمد مطر
» مطريــــــــــات . الشاعر الكبير أحمد مطر
» مطريــــــــــات ( 2 ). الشاعر الكبير أحمد مطر
» مطريات ( 5 ) الشاعر أحمد مطر