المعلم والزمان

موضوع: المعلم والزمان الخميس مارس 27, 2008 11:46 pm

المعلم والزمان

المعـــلــّم نسيوا افـــضـــالـــو.....ومقامو العـالي واجــــلالـو
بعد التـــّـــــعب والـعــــــــذاب.....نـــــال جـــــزا أعـمـــــالــو
صـــاروا اكتـــــــر الطـــــلاب.....مبيســــمــعــوا أقــــــــوالو
ضجـّــــة بالصـــــف والــعاب.....وقـــــّديش مطـّــــول بـــالو
هجروا الــــــدفتر والكـــــتاب.....وعالاستاذ شــــو احتـــــالو
وصــارالطـــالب الــــكــــذاب.....هــــموا يحـــــــكي بجــّوالو
حتــّى لو كـــّررالغـــــــيــــاب......مـــــين مــيــراقب افعـــالـو
حيـــــف عليكوا يــا شبـــــاب.....المقصرشو صاربحــــــا لو
يحاسب نفسو بأي حســـــاب......مــــن اهمــالو شـــــو نـالو
ما بـــــدها حـــــكي وخــطاب.....إذا اللهــــــــو مــــا زالــــو
مخــــّدر عــــقـــــول الشباب......الــــــوطن خــــربت احوالو
ويــــن الشهــرة والألـــــقاب......وأهــــل الفــــكر ورجــــالو
لا رقــــابة ولا حســـــــــــاب......ومين اللي واخـــــــد بـــالو
واستاذ المـــخلص مــنــعـاب......شــــــــاف العـــزلة أحـلالو
الوطـــــــن غالــــي يا أحباب.....الوطن فيـــــكوا إ كـــــــمالو
وطني الغــــــــــالي مبينعـاب.....منعاب الـــــخــــاين لاحــالو
أهل النــــهى شو الأســــباب.....العلم بالحــــــزن منـصــــاب
نادوا وافتحوا الأبــــــــــواب.....وجيــــــبوا القلم وتــعـــا لـو

طبعا هذة القصيدة اهداء لعيد المعلم
لكن اخرتا بالنشر من اجل عيد الام

كل عام وانتم بخير يا بناة الاجيال
كل عام وانت بخير ايها المعلم الصادق
مع حبي ابو الوفا

الخميس في 20 اذار 2008-في عيد المعلم

ذكرتني بالمدرسة وحسستني بالذنب
يسلمو دياتك عالموضوع

الشاعر ابو الوفا شكرا كتير عالقصيدة الرائعة ما حكيت الا الصح.

صرنا منسمع عجايب يهالزمن عن تعامل الطلاب مع المعلمين.. بدل ما نشكر فضلون علينا و نقدر التعب اللي بيتعبوه وصرنا منقول الله يرحم ايام زمان..

من هون بحب وجه تحية اكبار و اجلال لكل اساتذتي اللي بعمري ما بنساهون و ما في شي بالدني بيعوض لحظة من لحظات ايام المدرسة واوقات التسلية و الاستفادة وكمية المعلومات الهائلة اللي اساتذتي اتكرمو علينا فيون.

بسم الله الرحمن الرحيم
يا علي مدد

سلم الله فمك

وسدد الله خطاك وقلمك

على ها لكلام الرائع

قصيده حلوه ولكن ايام زمان كان المعلم له هيبته ام الان الطلاب لايبالون للمعلم وقد يتشاجرون معه

وكما قيل (قف للمعلم وفه التبجيلا كاد المعلم ان يكون رسولا)

ويعطيك العافيه

بنت سلمية كتب:: ذكرتني بالمدرسة وحسستني بالذنب

يسلمو دياتك عالموضوع

بنت سلمــــية يا اصيلي.....الاعتراف بالذنــب فضــيلي
بالذكـرى عشــتي أيــام.....وعن حياة المدرسة احكيلي
مين اللي فينا بيـــــــلام..... الطالب اوالمدرسة والاستاذ
بحياتك يا حلوة قــــــــوليلي

شكرا لمرورك الحلو
مع حبي ابو الوفا

زهرة الجبل كتب:: الشاعر ابو الوفا شكرا كتير عالقصيدة الرائعة ما حكيت الا الصح.

صرنا منسمع عجايب يهالزمن عن تعامل الطلاب مع المعلمين.. بدل ما نشكر فضلون علينا و نقدر التعب اللي بيتعبوه وصرنا منقول الله يرحم ايام زمان..

من هون بحب وجه تحية اكبار و اجلال لكل اساتذتي اللي بعمري ما بنساهون و ما في شي بالدني بيعوض لحظة من لحظات ايام المدرسة واوقات التسلية و الاستفادة وكمية المعلومات الهائلة اللي اساتذتي اتكرمو علينا فيون.

اوف يــــا زهرة الجبل....كيف تحولت الايــام
بحياتك كيف العـــــمـل....حــتى ترجع الاحلام
كترالهــــــم والــــزعل....بعد ما هجروا المعلم
صاير عالدنيا السلام

شكرا للمداخلة الحلوة
الزهرة مهما دبلت عبيرها فيها بضل
مع حبي ابو الوفا

سقراط كتب:: بسم الله الرحمن الرحيم

يا علي مدد

سلم الله فمك

وسدد الله خطاك وقلمك

على ها لكلام الرائع

شفت شو صار ياسقراط......وين وين المهندس والخطاط
طفـّـوا قنـــــــاديل الحياة......ومبتســــــمع الا العــــــيــاط

شكرا سقراط ولوجودك معنا
دمت بكل الحب
ابو الوفا

سلطان ال مكتوب كتب:: قصيده حلوه ولكن ايام زمان كان المعلم له هيبته ام الان الطلاب لايبالون للمعلم وقد يتشاجرون معه

وكما قيل (قف للمعلم وفه التبجيلا كاد المعلم ان يكون رسولا)

ويعطيك العافيه

سكروا كل الـــدروب.....وحرقوا الدفتر المكتوب
وصار الطالـب يتمادا.....على استاذو الطيـــــوب
ممنعرف مينـــو هادا.....خــــّلا وطنـــّــــا منكوب

شكر لمرورك سلطان
اهلا وسهلا بوجودك معنا نورت
مع حبي ابو الوفا

اقتباس :: سكروا كل الـــدروب.....وحرقوا الدفتر المكتوب
وصار الطالـب يتمادا.....على استاذو الطيـــــوب
ممنعرف مينـــو هادا.....خــــّلا وطنـــّــــا منكوب

شاعر ابو الوفا..

حبيت كتير آخر سطر من اللي كتبتو...

لازم شبابنا يعرف انو غرورو و تكبرو على اساتذتو" او حتى بشكل عام" واستهتارو بجهود المعلم ما هوي الا طيش و اكيد راح يندم عليه بيوم من الايام لما يوعى لمصلحتو ويدرك شو ضيع من ايديه.

بالحقيقة هالموضوع كتير خطير.. يمكن بعض الناس يستخفو فيه, بس للأسف هالاستخفاف عم يخليه متل المرض الخفي اللي بيستشري بمجتمعاتنا ليقضي عليها ببطىء.

يا ريت يكون في خطوة جدية لتهذيب اكتر لشبابنا, و الاستفادة من طاقاتون لبناء لا لتدمير الوطن.

و المولى يقدم اللي فيه الخير ..

شاعر منتدانا العظيم ابو الوفا لأبياتك وقع خاص في القلب وأن الذي ينسى فضل معلمه عليه حتى مماته فموته أهون له لأن هذا الأنسان العظيم الذي تعب وتعذب ليوصل فكرة ما لذهن اي طالب أنه أنسان عظيم يستحق التبجيل والأحترام ؟ طبعا المعلم الذي يعطي بصدق هو الذي يستحق التقدير وكم يكون جميل منا عندما نكبر ونرى أستاذنا الذي علمنا في الشارع ونسلم عليه ويتذكرنا كم هي أيام جميلة ياليتها تعود
شكرا لك شاعرنا ابو الوفا على هذه الأبيات الرائعة تقبل مروري

رائع 000رائع وشكرا للجميع

زهرة الجبل كتب:

اقتباس :: سكروا كل الـــدروب.....وحرقوا الدفتر المكتوب
وصار الطالـب يتمادا.....على استاذو الطيـــــوب
ممنعرف مينـــو هادا.....خــــّلا وطنـــّــــا منكوب

شاعر ابو الوفا..

حبيت كتير آخر سطر من اللي كتبتو...

لازم شبابنا يعرف انو غرورو و تكبرو على اساتذتو" او حتى بشكل عام" واستهتارو بجهود المعلم ما هوي الا طيش و اكيد راح يندم عليه بيوم من الايام

لما يوعى لمصلحتو ويدرك شو ضيع من ايديه.

بالحقيقة هالموضوع كتير خطير.. يمكن بعض الناس يستخفو فيه, بس للأسف هالاستخفاف عم يخليه متل المرض الخفي اللي بيستشري بمجتمعاتنا ليقضي عليها ببطىء.

يا ريت يكون في خطوة جدية لتهذيب اكتر لشبابنا, و الاستفادة من طاقاتون لبناء لا لتدمير الوطن.

و المولى يقدم اللي فيه الخير ..

اذا ضاع الاستاذ والقاضي.....بتصير حياتنا عالفاضي

بضيع الــــــعدل والقـانون.....بيرجـع فرعون الماضي

بارك الله فيكي زهرة الجبل وبأخلاقك الكريمة

مع حبي ابو الوفا

راحة العقل كتب:: شاعر منتدانا العظيم ابو الوفا لأبياتك وقع خاص في القلب وأن الذي ينسى فضل معلمه عليه حتى مماته فموته أهون له لأن هذا الأنسان العظيم الذي تعب وتعذب ليوصل فكرة ما لذهن اي طالب أنه أنسان عظيم يستحق التبجيل والأحترام ؟ طبعا المعلم الذي يعطي بصدق هو الذي يستحق التقدير وكم يكون جميل منا عندما نكبر ونرى أستاذنا الذي علمنا في الشارع ونسلم عليه ويتذكرنا كم هي أيام جميلة ياليتها تعود
شكرا لك شاعرنا ابو الوفا على هذه الأبيات الرائعة تقبل مروري

مين اكبر من المعلم ياخيي......انا بحترمو وبجلو متل بيي

اللـــي بينكر فضل الاســتاذ......بكون ظالم ونفـــسو قاسية

وحتى عن الحق منــــــحاز......وحياتو ظلم وعبـــــوديـــّة

شكرا راخي راحة العقل

الوطن بيكبر بأهل العقول مو بأصحاب المناصب والمسؤلين

ابيكر بالعلم والتعليم وبالعدل الحقيقي

الخلود لوطني

مع حبي ابو الوفا

بحر كتب:: رائع 000رائع وشكرا للجميع

يابحـــر نادي معنا.....بلكي الناس بتسمعنا

لما بضيع التــعليم.....ما عاد الله بيسمــعنا

شكرا يابحر عالمرور

اهلا وسلا فيك

مع حبي ابو الوفا

أبو الوفا شاعرنا
شكرا الك وعالمعايدة هاي
ان شاء الله ينعاد على الكل بخير مع انها متاخرة

وانت دوم رائع

تقبل مروري

farah كتب:: أبو الوفا شاعرنا
شكرا الك وعالمعايدة هاي
ان شاء الله ينعاد على الكل بخير مع انها متاخرة

وانت دوم رائع

تقبل مروري

لمّا صــــار المــــعلم......ما بــــيكيلوا بمكــيالـو
زعل و بــــكي متألـم......وما حدى واخـــد بالو
والحرامي المتكــــلـم ......عالناس شـايف حـالو
ولمـّــا انتشر الفـساد......الوطن خربت احــوالـو

شكرا لمرورك اختنا الغالية فرح
فعلا فقدت حضورك تاري الك وحشة
مع حبي ابو الوفا

صح لسااانك مليون

شاعرنا الغالي والمبدع ابوا الوفاااااا

حبيبي .. سلمت اناملك الذهبية

ولا عدمنا التواجد الجميل

السموحه على تاخري بالرد
لك مني اجمل التحية