الفتيات & الغدر &الرجال & الحب

لو نظرنا الى جميع العظماء والمخترعين والمفكرين وجدنا الغالبية العظمى هيي رجال والسب وراء هذا كله والفضل يعود الى النساء لا لانهم كانو نساء عظيمات او كانو امهات حنونات بل لانهم سببو لهم افظع الكوارث
ولانهم جعلوهم يروا الدنيا من منظور بشع ولم يجدو فيها نورا يضيئ حياتهم فتركو الدنيا وملذاتها والفضل كان للنساء .... الكلام الي حابب احكيه عن النساء طبعا مو جميعهم بس جد الشب بيعيش عمره وهو عم يحلم ببنت
يبني بيتو معها ويعيش بسعادة في شيئ كنت عم دافع عنو على مدى سنين كل ما التقيت بشب كان يقلي البنات شيطان رجيم ماحدا قلي البنات هني ملائكة ليش الامام علي بنهج البلاغة حكي على النساء وقال فيهن 3 خصال من اليهود ليش القانون
لما بدو شاهدين بيفضل رجلين او رجل وبنتين ليش الله سبحانه وتعالى باللغة الانكليزية بينقلو he مو she في اشياء واقعية وصعبة نتقبلها ونقنع حالنا فيها انو من بين 1000 بنت يمكن نلاقي وحدة كويسة ويمكن مانلاقي ليش معظم الشباب لما بيختارو بنت بفكرو فيها انها ام ولادن وبيعطوها اسم الابن متل ام علي او ام احمد
مجرد انن يرتبطو فيها .... بصراحة انا عمري هلق 24 سنة وكل يوم بقول رح حاول غير ها الشي بس في شغلتين لازم يتغيرو وما بعرف بأي وحدة لازم بلش سذاجة الشباب ولا الشر الساكن جوا البنات
السذاجة الحياة بتغيرها وبتخليه ذكي للشب بس الشيطان ماحدا قادر عليه الا العقل والله ... للاسف رسالتي الي عم اكتبها هلق رح يقرأوها بنات اخلاقن عالية لحد معين لانو ماحدا بيدخل ها المنتدى من البنات الا بتكون صاحبة اخلاق
ولو نظرنا لمواقع التشات منلاقيه مليان ماني مزعوج بالنهاية الحياة نظام واكيد الفاشلين لازم يكونو اكتر من الناجحين ... الرسالة الي بدي اياها من كل بنت رح تقرأ ها الرسالة او ها الموضوع هوي انو انتو الي قادرين تغيرو الشباب اثرن سلبي على البنات
اما انتو بالنهاية رح تصيرو امهات ولو كل وحدة عندها رفيقة بتحب شب ونصحتها بالاخلاص وعلمتها انو الدنيا دين و وفا لو كل بنت انتبهت انو ها الدنيا عم تحاول تأسرنا بملذاتها لو كل بنت بس تعاملت مع الشب وكأنو ابن الله
كانت اقتربت من انو تصير ملاك صدقوني ........ منطلع على الاجيال الي عم تولد وعك نشوف في انحدار اخلاقي ولو سألنا عن كل بنت منحدرة بيطلعلنا انو الام كان الها ماضي ..... ما غلط الامام علي لما قال فاقد الشيئ لا يعطيه
صدقوني كل بنت هيي صورة امها تماما ..... بتمنى ما تنزعجو مني على موضوعي لاني اتقصدت البنات بس بالفترة الاخيرة شفت كتير شباب ماعم تنام اليل من ورا حلم انكسر من ورا بيت تعمر وتهدم ........اصعب شيئ بالحياة نزرع الامل ويكبر ونقترب للوصول للهدف ويجي شخص يحرقلك املك
حياة صعبة والله يكون بعون الشباب وان حبيتو بنت واخلصتلولها وتركتكن تذكرو انو الي خلقها اولى بها الحب والاخلاص وهوي مابيترككن ورح يمنحكم السعادة من حيث لا تعلمون

Admin عدد الرسائل : 1272 تاريخ التسجيل : 31/01/2007

اقتباس :

رح حاول غير ها الشي بس في شغلتين لازم يتغيرو وما بعرف بأي وحدة لازم بلش سذاجة الشباب ولا الشر الساكن جوا البنات

أخي الغالي طلال
يبدو أن لك موقف من البنات هذه الأيام
و يبدو أن الأمور
ليست جيدة بينك وبينهم خلال هذه الفترة

ولكن صدقني البنات أبسط مما تتخيل و هن أكثر طيبة وأرق عامة ً من الشباب
قد يتدللن قليلاً غلى الشباب في صباهن
وفي فترة الخطوبة أو بدء
لتعارف ولكن هذا من حقهن لأن هذه الفترة هي الفترة التي تعتبرها كل بنت فترة استثنائية
تظهر من خلالها شخصيتها وتتمتع بحريتها
ولكنهن كما يقال يريدون السلة بلا عنب
يكفي كلمة شكر من
الزوج أو الأخ أو الأب حتى تجد الفتاة ممتلئة بالفرح و السعادة
لتتحول إلى نبع حقيقي للحنان

ليك ما بنكر انو عندي مواقف من البنات بس البنت الي عم تحكي عليها بعد الزواج هيك بتصير اي بعد ما بتكون فظعت بالدنيا
و وجعت الف قلب ساعتها رح تعيش مبسوطة بعدين انت عم تقول بسيطات ليش الامام علي حكي عليهن وباكتر من مكان
ما بعرف قال الامام علي المرأة شر كلها وشر مافيها انه لا بد منها ... بعرف انو مو كل البنات هيك بس للاسف 1\1000 الكويسات ومشكور على الرد

من بين 1000 بنت يمكن نلاقي وحدة كويسة
إذا بدي أخد نفس المقياس اللي استعملته إنت بتحديد إذا الشب كويس والله لا بتطلع النتيجة معي إنه من بين 1000000 شب بيطلع فيه شب كويس ...
سذاجة الشباب ولا الشر الساكن جوا البنات
إذا كلامك صح ...نحن ورغم كل هالشر اللي فينا ورغم كل هالسذاجة اللي فيكون مغلوب ع أمرنا كيف لو ما كان هيك...ممكن حكمته دخيله..
ماحدا بيدخل ها المنتدى من البنات الا بتكون صاحبة اخلاق
يعني نحن مو من بين ال 1000 اللي قصدتون , او ممكن من كل 1000 فيه وحدة كويسة هية هون , انبسطوا يا جماعة المنتدى يعني عندكون الخيرة من صبايا المجتمع..كأنه هي دعاية إلنا...
واكيد الفاشلين لازم يكونو اكتر من الناجحين
ما في شي اسمه ناجح وفاشل , الأمر نسبي ...
سألنا عن كل بنت منحدرة بيطلعلنا انو الام كان الها ماضي
اكيد كل وحدة إلها ماضي وكل واحد إله ماضي والله شو شباب...
شفت كتير شباب ماعم تنام اليل
اكيد ما رح فيك تشوف البنات إذا عم يناموا الليل والله لا ..بس خليني قلك البنات ما عم يناموا لا ليل ولا نهار..بس الشباب اللي ماعما يناموا الليل عم يناموا النهار وخاصة بعد مشروب واركيلة وشي رفيقة...
شوف بالمنتدى اليوم شو صار بالطفلة خولة من ورا اربعة وحوش ...وبحب خبرك فيه من أمثالها كتيير...يا ترى فيك تقارن بين جرح هالبنت..وجرحك...أكيد لا
ما رديت منشان موضوعك لا , رديت باسم كل بنت مظلومة بالمجتمع الشرقي...

ع كل الشباب ممكن ينظلموا متل تماما البنات بس مو يعني البنت هية الشر , والشب ملاك بريء ...
المجتمع متنوع بالجيدين والمو جيدين...ومن الجنسين كمان حتى كون عادلة ...
بس بعني ابدا مو البنت هية الشر...
تقبل رأيي

السلام عليكم
يا علي مدد

اولا شكرا اخي طلال على هذا الموضع

ثانيا ليس كل اصابعك متل بعضا

ثالثا كأنو اكل صدمه عاطفيه

رابعا اللي خلق البنت الخاينه قادر انو يخلق البنت الوفيه والمخلصه

خامسا اللي خلق الشب الخاين قادر انو يخلق الشب الوفي والمخلص

بس ملاحظه

اذا تكلمنا عن سبب ترك الفتيات لمن يحبون من الشباب

سنجد وبكل صراحه

ان الاغلبيه منهم بسبب ضغوط عائليه تمارس من الاب والام والاخ والاخت

والنسبه الاقل منهم بسبب الوضع المادي للشباب (طمع)بالافضل

يعني الحق على الشباب ليش ما بأمنوا نفسهم بعدين يحبوا

بس من الملاحظ ان الفتاة هي دائما من تترك الشباب

اختي العزيزه ورده اطلب منك وبكل محبه الهدوء والتروي في الردود

اقتباس :: اختي العزيزه ورده اطلب منك وبكل محبه الهدوء والتروي في الردود

طولي بالك علينا اخت وردة
اخي طلال من قال لك ان الامام علي قال

اقتباس :: قال الامام علي المرأة شر كلها وشر مافيها انه لا بد منها

ارجو ذكر المصدر

اول شي يا شباب هدو انا ماني اكل شحاط عاطفي ولا شي انا حبيت اطرح موضوع صرلي عم لاحظو فترة طويلة وفي هدف من موضوعي بس ال الظاهر مارح توصل رسالتي يا اما المشكلة فيي او بعقولنا المختلفة الفهم حاسس حالي مذنب بها الموضوع .. اخت وردة ليش عصبتي انا معك في رجال وحوش ما بقودن غير شهوتن والعقل ما بقا الو وجود بس انا عم اقصد شريحة معينة لا تبعدي عن ها الاشيا الموضوع اذا بدنا ندخل لاغلاط كل طرف ونذكرن بدنا سنين وما منخلص .. بالنهاية معروف انو الشب اذا حب بيخلص بس معروف كمان انو البنت اصعب شي عندها الاخلاص .. وبالنسبة لقول الامام علي مكتوب بنهج البلاغة لو قرأتو كلو كنت لاقيتو بس بدها شوية ملاحظة ... بتمنى نناقش الموضوع مو نحكي على بعض ونكره بعض في شي عم يصير وانا كنت متوقع حل مو تعصيب متل ما صار ب وردة .... و في قول لشخص مشهور بقول اذا كنت على حق تستطيع ان تضبط اعصابك وتتكلم بهدوء واذا كنت على خطأ ستخرج عن طورك ... والحكي طبعا الك يا اخت وردة ... مشكورين على الردود

يا شباب هي مو أول مرة بينطرح موضوع فيه تجني ع البنت بمجتمعنا وأنا كبنت بس من خلال زميلاتي ورفقاتي فيني اطرح كتير امثلة عم تنظلم فيها البنت بمجتمعنا وانا ما كنت قاسية بس لو الموضوع انطرح إنه فيه شباب عم تنظلم وفيه كمان بنات عم تنظلم وهالشيء مظبوط كنت رح كون أول وحدة وقول صح , بس انو نقول البنات مصدر الشر وروح شوف الواقع اللي بيقول غير هالشيء تماما...
عذرا شباب ما بقدر طول بالي ابدا..
بتمنى تناقشوني باي فكرة قلتها وما كانت صح....
والله انا مو معصبة اخ طلال ...بس شكله الحقيقة بتجرح شباب مو...
والحل يا اخ طلال خلينا نعترف بالمشكلة بالبداية ..وبعدين نفكر بالحل..
رح ضل ناقشك ..

اقتباس :: والحل يا اخ طلال خلينا نعترف بالمشكلة بالبداية ..وبعدين نفكر بالحل..
رح ضل ناقشك ..

معليش شباب (اخوة واخوات) انا رايي نفكر بالموضوع بالاساس ونبدا خطوة خطوة وبدون عصبية

اخت وردة اخ طلال تحية لكما

بسم الله الرحمن الرحيم

السلام عليكم ورحمة الله وبركاته.

...................................

: المرأة شر لا بد منه

اسمحوا لي أولا أن اطرح السؤال التالي

هل المرأة كائنا من الدرجة الثانية في الاسلام

....................

مبدايا
أنا أتحفظ على هذا القول

واتحفظ على المراد منه ان كان مانسب صحيحا

................................

كان في موضوع ع محطة الدنيا اسمو التاخر بالزواج

الاسباب واختلاف الاماكن ما بين ريف ومدينة وبادية وقرية

وانا براي انو السبب الحقيقي هو عدم توفر الامكانيات المادية

من مسكن وعمل دائم و و و و للشب واحيانا التاخر بالدراسة من جامعة لماجستير لعسكرية ما بخلي الشب جاهز ليحب ويتزوج

بس الحب بضل شيء عابر بحياة الانسان ممكن يستمر مع البنت الي حبها او لا

والبنت دائما بتسعى لتلاقي الشب الجاهز وبهيك ما بتكون شريرة بس ممكن تقدم بعض التضحيات

بس انا براي اذا ما صار واخد البنت الي حبها فبكون هاد نصيب ولا تزعل ع شخص تركك

انما ازعل ع شخص بحبك

ان شاءالله موفق اخي الي كاتب الموضوع وتلاقي البنت الي تحبها وتحبك

قضية الحب والاختيار والوفاء بالحب بيرجع للشخص وبالذات هاد الموضوع ما بيتاخد بالعموميات شباب كانو او بنات

لانو اخ ممكن يختلف عن اخو بطريقة التعامل والتفكير وبنت تختلف عن اختها

وبالذات هاد امر نسبي كتير

لذلك بطلب منك يا انسة وردة انو تهدي وطولي بالك

وانا معك بالي حكيتيه من قبل بس خليلي مزاجك رايق ههه

لالالالالالالالا يا شباب ولا يا وردة موضوعي بالمختصر ليش الامام علي حكي على البنات وما حكي على الرجال ليش الله بينقلو بالانكليزي he وما بينقلو she ليش معظم العباقرة والمفكرين رجال ليش القانون قال بمصداقية الرجل اكتر من البنت وين دخلتولي الحب والزواج انا عم ابحث عن السر الي خلى كل ها الاشيا مجتمعة والبنت هيي سببها الشي الي حابب اعرفه انو البنت عبارة عن تركيبة غير الشب تماما ما بصدق انو من نفس الروح ولدو هادا الي بدي ناقشو وبس بعدولي عن الحب والزواج والاعتداء وما الى ذلك ..........

بسم الله الرحمن الرحيم
يا علي مدد
أخوتي الروحيّون الغوالي
الحوار الهادف والبنّاء واللطيف جيّد ومطلوب
وهذا من أهدافنا في المنتدى
علينا أن نتحاور ونتناقش لتصويب الرأي والهدف
وأن نتناقش كأخوة روحيين
نحو مستقبل واعد ومشرق
كما يُريد لنا صاحب السمو والنور مولا نا الحاضر الموجود
علينا منه ومن ذكره النور والبركة والسلام
مع احترامي الكبير لمشاعركم وأحاسيسكم

» أسرار تفضح الرجال عند الحب
» من اقوال مولانا علي بن ابي طالب عليه السلام (في الغدر)
» الرجال... هُم الأضعف وعلى ذمتهم!!...
» الرجال في عيون المرأة ........ منقول
» تضر الرجال وتساعد النساء