طلال حيدر

موضوع: طلال حيدر الثلاثاء يوليو 14, 2009 1:22 am

حبّ

خدني معك يا حب، شي مشوار

وع السكت وشوشني، سرار سرار

محّي لأيامي بايديك الزغار

مدري شو صابو، هالعمر

فتّح وصار قمار

يا ريت هالعمر الهرب

يرجع ونحنا زغار

لا بعود اقرا بها الكتب

ولا بعود عمّر دار

بقشّقش حوالييّ حطب

وبشعّل بها النار

ركوة عرب -

أحلى من الركوه
على منقل عرب
أحلى من الفنجان
حلوه
متل عُبي القصب
خيط القصب تعبان
جيبوا حدا من دمر
يدقدق وشم
جيبوا من الهامة
والوشم
بن محمّص وهب الهوا شامي
غمازة لعالخد
ماإلها إسم؟
والخد قدامي
ومكحلي ...
والكحل راسمها رسم
مين لبرا قلامي
ومشنشلي متل الفرس
والسرج خيّالي
بإيدا أساور من دهب
بتخش
بتخش؟
بيدور الطرب ليوم القيامة

*************************************************************8

طقس

بيتي
متل ورقة احترق
ما عاد عندي أهل
شبهتك بهاالسهل
بقرص العسل
عملو ع مهلوا النحل

شبهتك بحالك
بالعمر
ماشي وراك يلملم خيالك

وجك طقس متل الصحو
دايخ ومش سكران
متل الشتي
نازل على حزيران
شبهتك بقوس القدح
جايي على لبنان

وجِّك وطاف النيل
غرق مصر
في مملكة عم تنسرق
مفتوح باب القصر

وجك
من هون بيحدو الشتي
ومن هون حده التلج

وشاعر
حمل حاله بها الموت وحده وهج

شبهتك بكل الدني
من بعدك عليها السلام
بس تفرحي
بيطير من صدري الحمام
وبس تزعلي
ع مصر باخدلك الشام

موضوع: رد: طلال حيدر الثلاثاء يوليو 14, 2009 2:16 am

السلام عليكم
يا علي مدد

مشكور اخي العزيز

مَ دام
نوم ولادهن
طيّر ورق بالسهل
مَ دام
ما عاد بدهن يخلّوا الصبي
يدقدق جراس النحل
مَ دام
إيديكِ البيوت الفاضيِهْ
مَ دام
ما بَقْ في حدا
غير القفاص العاليِهْ
وغير الصدى
مَ دام
إيديك السهولْ
مَ دام
بس تلملمي دَيْكي
بيتلملموا طراف الحقول
مَ دام
مهما قلت
رح أسكتْ ع طول ..
ما عاد بدي قول.

فوق
كان في غصن بردان
ع مرجة هلي
سألتن لمين الطقس
قالو لي إلي . . .
وطلعت اتفقد إذا ردوا البواب
وبقيت فوق
وما حدا قللي نزلي