ياجماعة الخير مشان ما تقولو المزنبر اناني بدي خبركون هالشغلة ... في برنامج عم يطلع على قناة ابو ظبي اسمو
امير الشعراء
هو مسابقة شعرية بين شعراء من كل الوطن العربي .. او بالاحرى بين شعراء يجيدون العربية .. شنو معون واحد هندي الاصل بس بيحكي عربي احسن من صديقي ام 83 .. الله وكيلكون
لا فض فوك صديقي
المهم بيطلع البرنامج يوم الجمعة بالليل مباشر .. وبضل ينعاد اكتر من مرة خلال الاسبوع على قناتي ابو ظبي وقناة الامارات .. وباوقات مختلفة
هلق البرنامج والشعراء بشكل عام كلو ظريف .. مو نازعها غير وجود غسان مسعود بلجنة التحكيم
المهم ياجماعة بصراحة في قصائد عم تنقال ولا احلى من هيك .. فعلا رائعة .. مقابل في شغلات بايخة لا يخلو الامر طبعا
في حلقة الجمعة الماضي .. كان في شاعرين اكتر من رائعين شاعر فلسطيني اسمو تميم البرغوثي
وشاعرة من الجزائر اسمها حنين
تميم القى قصيدة عن القدس .. اللجنة قالولو انها من اجمل القصائد اللي قيلت في القدس .. وفعلا كانت اكثر من رائعة وخصوصا انو عندو اسلوب القاء وصوت رخيم .. زاد جمال القصيدة .. وخصوصي انو حافظها بصم يعني ما معو اوراق متل البقية
انا عن حالي بنصح بالبرنامج بشكل عام .. بس كنصيحة اخوية حاولو تشوفو اليوم وبكرة هالقناتين (ابوظبي و الامارات) والا ما تلقطو البرنامج واسمعو القصيدتين من تميم ... وحنين وما بتندمو
حتى اللي ما بحب الشعر ابدا رح يستمتع بالقصيدتين خيرات الله
الإثنين سبتمبر 11, 2023 8:10 am من طرف الاسماعيلي اليامي
