المحامي ليث هاشم وردة
مشرف المنتدى القانوني
عدد الرسائل : 1590
العمر : 45
Localisation : إذا أردت أن تحكم مصر طويلا فعليك باحترام مشاعر الناس الدينية واحترام حرمات منازلهم. وصية نابليون لكليبر
تاريخ التسجيل : 11/05/2008
 | موضوع: سلمية يـا أمي ....................  الخميس مايو 13, 2010 3:28 pm | |
| سلمية يـا أمي
سلمية يا غيمة مطر بالسما فرحانه
ويا لهفة أم ع ولادها خيفانه
اصحي يا أم الكل ليش غفيانه
طلعت الشمس من جبل شمس
اصحي اصحي يا أم المجد
اصحي يا أم الوعد
بعدك نايمة قومي لبشّرك
قبل ما حدا يخبرك ويبشّرك
يمّه اسألي جبل شمس
بالعلن والهمس
سلمية اليوم غير الأمس
صارت كرومك يا يمّه كلا مساكن
و الهوا صار أسود وداكن
يا يمّه يرحم إيام الطنابر
وإيام السمن والعنابر
ويرحم زوادة الضيف والعابر
وبعدك نايمة قومي لخبرك يا يمّه
قبل ما حدا يفاجئك ويخبرك
اسألي جبال بلعاس
وكل دعسة خيل تنداس
كيف تبدل وتغير الحلاس
يمّه يا يمّه صار عنّا حضارا
حضارة الجنيز والتوينز
و صار مشروبنا فريز مع لسكوينز
يمّه صار عنّا لـ نص . بنطرون
وقاصة الدلس والفيزون
وصار عنّا السنتكور ولبنتكور
والميش ولجل ولفكستور
وابن عشر سنين يا يمّه صار يشبب الموتور
وبعدك نايمة يا يمّه
قومي لخبرك قبل ما حدا يخبرك
يا يمّه صار عنّا الفير والكوافير
وبون جور بدال صباح الخير
وصرنا نقول لبعضنا كو وكم هير
وتراثك بلّش من جيوبنا يهر هير
يا يمّه وصلت لعنا لحضارا
متل لبرق وأسرع من لطيارا
وصرنا نخاف الحضارا نتقّل عيارا
ونتستر بخيط صوف من غزل سنارا
يا يمّه يرحم البيلون ولكحل ولحنة
وصار عنّا متلن ورنّــة
وصارت وجاهنا ملونة أحمر وبني
من المسكرة والظل ماركت ساحر وجنّي
كان عنّا الفطر والأضحى عيدين
وعمّا ندور يا يمّه نجبلن أخ أخيين
الفلنتاين لحالو صار إلو اسمين
دخلت علينا يا يمّه أسوء العادات
نضّارة وعلك وخيالة البارتات
يا يمّه شقد كنا نسمع منك حكايات
صرنا حكاية وقصة من المخبايات
يا يمّه صار عنّا خط جوال
بكبسة زر منسمع لموال
بعصر جدي كان الطشط ولنقال
ونقال الأمس صار اسمو الهاتف النقال
يمّه كان اسمنا رعيان للعوجا
يا يمّه ماتت الرعيان وتمت العوجا
صرنا نشوف بعضنا ليوم ع لشاشة
وعقولنا صارت بكمبيوتر وبفلاشة
وكل شي حكيتو يايمّه عند (الفاكس) ماشي
بيبلع الورقة وأغرب من قميص اللكس اللي تصنّع من قماشة
يا يمّه صار عنّا انتر وإيميل
نسينا التراث وكلمن مشي بميل
رح اسأل شباب وصبايا لحفل
كيف كان ينحدا لخيل
نسينا التراث أنا مُصرّ على أقوالي
وبنفس الوقت فال الله ولا فالي
سلمية لأجل تراثك بيرخص لغالي
وبيرخص المال يا يمّه مع عيالي
سلمية لا تسمعي جبل شمس قصتنا
بيعيّرك . وبيقّلك ولادنا اليوم عصتنا
لا تخبري جبل شمس عنّا
كيف صرنا . صرنا الآخ من بعد ونّه
نشرتي يا يمّه للدنيا فكر
ولليوم نحنا نفتخر بالأدب والشعر
منعاهدك يا أم الصفا
ويا أم الخلان ويا أم الوفا
منعاهدك يرجع ع بيتك شمس ودفا
ومنعاهدك يا يمّه نعلّم ولادنا
حب الوطن وبلادنا
ونتمسك بعادات اجدادنا
اسمحيلي اليوم بشّرك
قبل ما حدا يبشّرك
صرنا كل سنة نعملك مهرجان
ونلبّس اسمك ياقوت مرصّع بمرجان
اسألي يمّه عن أهلك بـنيسان
بعيدك ابن سلمية ناموس مطعّم بوجدان
سمحيلي يا يمّه قبّل ترابك بعيدك
وقبّل جبل الخضر لحدد مواعيدك
بطمنك يا يمّه نقرّب بعيدك
وعروق دمنا تتغلل وتمشي بوريدك
يا يمّه بعدك نايمه قومي لبشّرك
قبل ما حدا يخبرك ويبشّرك
صديقي الغالي : شاعر البادية . عدنان زعير
مع وافر احترامي
| |
|
زهراء ديب
مشرف عام
عدد الرسائل : 2275
Localisation : _________________ قوة الارادة ليست الا نتيجة لسلسلة من عمليات التاديب والتدريب ان قوة الارادة صفة ؟؟؟ لا يرثها المرء عن ابائه واجداده انما يجب ان يدفع قيمتها ليكسبها ............
تاريخ التسجيل : 28/09/2009
| | موضوع: رد: سلمية يـا أمي .................... الخميس مايو 13, 2010 3:36 pm | |
| شكراً للأخ والأستاذ ليث ع النقل المولى يوفقك - اقتباس :
- سمحيلي يا يمّه قبّل ترابك بعيدك
وقبّل جبل الخضر لحدد مواعيدك
بطمنك يا يمّه نقرّب بعيدك
وعروق دمنا تتغلل وتمشي بوريدك
| |
|
بريق النجوم
عضو بلاتيني
عدد الرسائل : 1017
العمر : 57
تاريخ التسجيل : 03/02/2008
| | موضوع: رد: سلمية يـا أمي .................... الجمعة مايو 14, 2010 8:15 am | |
| بسم الله الرحمن الرحيم
يا عـــــــــلي مــــــــــدد
سلميّة حبّي ومحبّتي لك
محبّتي لأهلك
لترابك.........
بكلّ ولكلّ مافيك..... حبّي ومحبّتي
أخـــــــــــــــوكم..........دومـــــــــــاً | |
|
--- الطائر الفينيقي ---
عضو بلاتيني
عدد الرسائل : 2838
تاريخ التسجيل : 23/08/2008
| |
