حوار الشباب
يا شباب اسمعوني إذا بتسمحـــــوا --- محلاكم لمّا بتدرسوا و بتنجــــــحوا
توب التواكل روحوا اشلحــــــــــوا --- واسعوا في طلب العلم حتى تفلــحوا
مستقبلكم الأحسن انكن تصلحــــوا --- الوقت سيف يا بيدبحك يا بتدبحـــــو
لما بتنجحوا الأهل فيكوا بيفرحـــوا --- الوقت اكبر نعـمة إذا بتربحــــــــــوا
يا حلوين بالمحبة دايما اتصالحــوا --- وبالعقل و المنطق الحلواتسلــــحوا
الما بيعرف المجال لغيرو يفسحـوا --- ويتعلم من استاذو لما بينصحـــــــوا
حتى يعرف كل واحد منـّا مطرحـوا ---.والعامل بعملو و الفنان بمسرحـــــو
قد ما فيكو بالحياة يا شباب كافحوا --- و المقصر لازم نحاول نصلــحـــــوا
وماحدا بيرضــــــى حدا يجرحــــوا --- وكلشي بيغلط ما لازم نفضحــــــــوا
وكل واحد فينا تاريخوا يتصفّحــــو ---أحسن ما يرجم الغلطان يســامحـــــو
والأنبياء للتسامح والمحبة لمّحـوا --- ولا تزاعل أخوك الأحسن انك تربحو
التوحيد و العلم حلو مطمحــــــــــو ---وبالعملالصالح كل المجلات بتفتـحوا
الحياة موبس حكي وإعراب ونحـو ---الحياة بدها ناس يجمعواو يطـــرحوا
وإذا الشباب بالطرب اتسوسحــــوا---. ما عاد بيشتغلوا وماعاد بيتلحلـحـوا
حاذرواالمذهبية وبالوداد تصالحوا --- وأي تعصب من أفكاركن بدو محــو
المتآمرين عالوطن اجوا وتسلحوا --- ورجعوا يهددونا رجعوا يتملـــحـــوا
وفي ناس ضيعوا الوطن ودابحـوا --- منين بدهن يجيبوا وطن مطـرحـــــو
التقاعس بالحياة بيخليكو اتجـنحوا --- والفشل بياخد الإنسان ع مد بحـــــو
حبــــــــــــوا بعضكن حتى تفرحـوا --ـ وطيورنا يغردوا وحجالنا يقـرحـــوا
بغار عليكم يا شباب اعذرونـــــــي --- ولا قصدي أي حدا منكن اجـرحـــوا
قصدي اللي قصروا عنــّــا شـــوي--- لأني بحبن و أملــي فيهن يتصلـحوا
---------------------------------------------------------------------
18-1-2007
اسيادي الشباب عذرا انا بهل الايام شايف بعض الشباب تاركين الدراسة وعم يلتهوا
على حساب مستقبلهن وبالحقيقة ما في شي بيغني عن العلم
واليوم وللاسف اصبح بالوطن شريحة متأمرين نهبوا الوطن نشروا الفساد حاربوا الع.........العلم ضيعوا الشباب من اجل ان تتاح لهم فرص الاستغلال
استغلال الارض والعرض والخيرات والمناصب
ليعلموا ان سورية الحبيبة ستبقى منارة رغم كل الاعادي داخلا وخارجا
مهما طال الزمن الاما تظهر خيوط الشمس مبشرة بالامل على اكتاف الفقراء والجيل .....الصاعد (الموت للمتآمرين على سورية الحبيبة)
مع حبي للوطن والانسان
ابو الوفا(السهروردي المقتول)
الإثنين سبتمبر 11, 2023 8:10 am من طرف الاسماعيلي اليامي
